【BM講NBA】-未來將統治聯盟的5個中鋒


係真係講之前,我地要隆重宣布BMHK除左賣波衫之外,以後每個星期都會係IG/FB同大家講下波經,有本地啦,NBA,ABL,街場等等任何關於籃球既野,請密切留意啦!有idea 想一齊講都隨時歡迎DM搵我地!(因為小編比較本土,專欄將會以大家最有親切感同最熟悉既廣東話去寫?)
???
1. Demarcus Cousin
係人都知未傷之前既表弟已經係接近聯盟既第一中鋒,論個人實力,體能,樣樣齊哂!由以前既籃底怪獸慢慢再進化到控波,助攻,三分,無一不精。可以佢以脾氣暴躁聞名,同埋未試過帶隊入Playoff。整體實力絕對唔會輸俾全盛既候活,但佢要證明自己,除左呢年養好傷外,點都要入番一次西決先收貨做第一中鋒啦。
?
2. Nikola Jokic
大部分既中鋒都會因為籃底統治力而出名,而佢偏偏就係傳波同組織出名。係本身已經係扎實既籃底進攻能力同籃板能力下,有睇開NBA都知佢既傳波真係有一手,就好似當年我地睇Magic Johnson 同Steve Nash d傳波咁,睇到哇哇聲,連個波傳左去邊都要replay 先睇得見。而Jokic 就將呢種廣闊視野同傳波技術係中鋒角色度表現出黎。都一樣都係等待帶隊能力既提升。
?
3. Karl Anthony Towns
木狼係近十年一直爛足十年,今年終於有D起色有望重見Playoff 曙光,佢既功勞真係無第一都係同Butler 並排第一。係Garnett 走左之後,狼王呢個term 似乎開始搵到接班人。身為中鋒既Towns 打法靈活,有別於傳統低位型中鋒。佢擅長面籃進攻,有住同三號位差唔多既速度同敏捷,外投能力更加係另一度殺手鐧。完全係個種高過佢又唔夠佢快,矮過佢佢唔爆你籃底都任佢射,全面既進攻能力一直掩蓋佢係防守端既弊病。要爭奪第一中鋒之名,就要睇防守呢兩年可唔可以upgrade 到啦。
?
4. Rudy Gobert
論進攻其實好老實佢一定唔夠其餘個幾個黎,但論防守,呢個法國中鋒既籃底防守能力確係驚人。超級手長腳長既佢好似係郁一郁已經封到你粒波,係佢傷出歸隊之後,爵士既防守能力馬上提升左幾個層次,近期贏波贏到開卷,由西岸十幾慢慢追上黎,可見此子影響力。佢雖然未必可以好似AD咁帶隊場場爆你幾十分,但佢會係Big Ben 個種,淨係防守都令到你淆底既中鋒!期待佢同Mitchell 呢對組合可以帶領爵士行到幾遠!
?
5. Joel Embiid
其實唔係好想講佢,因為佢真係太高調啦,其實個個都識佢,都無咩好講架啦。總之身為中鋒,每項能力10分滿分都at least 8,如果今年佢可以帶到76人playoffs 爆下冷,加上生生性性唔好再傷咁多,未來係你架喇!
?
【想抽獎請留意下面】
我地下篇專欄既題目將會係:
?5種係街場最討厭既人?
只要你
1. 係IG/Facebook 留言講低你覺得其中一種
2. 略略講下個原因
3. Tag 你一個friend
(e.g. 我覺得除衫打波既人最黑人憎 因為會成日唔小心食到佢D汗 @accstore )
就可以參加抽獎啦!每期將會送出籃球裝備一件,記住留言啦!